Zesta punta protagonista izan da gaur Zumaian. Gipuzkoako Esku Pilota Federazioak antolatuta, lurraldeko Zesta-punta Eskolen eguna egin da Aitzuri frontoian. Kirol modalitate hau sustatzea eta herrietako zesta punta eskolek egiten duten lana txalotzea izan du jai giroan egin den ekimen honek. Gipuzkoako sei herritako puntistak izan dira Zumaian. Goizez txikien eta emakumeen kinielak egin dira; arratsaldean, berriz, profesionalen partida ikusteko beta izan dute Aitzurira bertaratu direnek.